नेपाली कांग्रेस सम्बद्ध नेपाल महिला संघले झापाको क्षेत्र नं ५ अन्तर्गत दमक, गौरादह र गौरीगञ्जमा महिला संघ स्थापना दिवस तथा तिज पर्वको समेत सन्दर्भ पारेर विशेष कार्यक्रम सम्पन्न गरेको छ ।

कार्यक्रममा महिलाहरुको उत्साहजनक सहभागिता पाइएको महिला संघले जनाएको छ ।नेपाल महिला सघ झापा जिल्ला अध्यक्ष टीका मैनालीको प्रमुख आतिथ्य र महिला संघ दमक नगर अध्यक्ष मन्धरा चिमरिया पौडेलको अध्यक्षतामा दमकमा भएको कार्यक्रममा कांग्रेस कोशी प्रदेश सहमहामन्त्री खड्ग फागोको विशेष आतिथ्य रहेको थियो ।

दमक नगर र आसपास क्षेत्रबाट समेत महिला संघमा आवद्ध महिलाहरुको सक्रिय सहभागिता रहेको सो कार्यक्रममा प्रथम नागरिक ज्येष्ठ आमाहरुको सामुहिक सम्मान गरिएको थियो । कार्यक्रममा पार्टीकी कोशी प्रदेश सदस्य चन्द्रा खड्का , झापा जिल्ला उपसभापति शेर बहादुर भट्टराई , झापा क्षेत्र नं ५ का सभापति ढुण्डीराज भण्डारी लगायत नेतृत्वहरुको आतिथ्य रहेको थियो ।कार्यक्रममा महिला संघ नगर उपाध्यक्ष होमा आचार्यले स्वागत मन्तब्य राख्नु भएको थियो भने नगर सचिवद्धय रमुना चापागाई र हेमकला न्यौपानेले आलोपालो कार्यक्रम सञ्चालन गर्नुभएको थियो ।