दमक। झापाको दमक ८ स्थित कञ्चनजंघा होटलको कोठा नम्बर ८ बाट प्रहरीले तीन जना युवायुवतीलाई प्रतिबन्धित लागूऔषधसहित पक्राउ गरेको छ ।
लागूऔषधको कारोबार हुँदै गरेको भन्ने गोप्य सूचनाका आधारमा प्रहरीले त्यहाँँ छापा मारेर नगद ३३ हजार रुपैयाँ समेत तीन जनालाई पक्राउ गरेको हो ।
आइतबार सो होटलमा पुगेर प्रहरीले मोरङको मिक्लाजुङ ३ की १९ बर्षिया मोनिका राई, दमक १ का २६ बर्षीय सुरज कुमाल र दमक १ का ३१ बर्षीय कृष्णबहादुर श्रेष्ठलाई पक्राउ गरेको हो ।
उनीहरु बसेको सो कोठाबाट नगद ३३ हजार र खैरो हेरोइन जस्तो पदार्थ ६ ग्राम ७८० मिलिग्राम बरामद गरी थप अनुसन्धान अघि बढाएको जिल्ला प्रहरी कार्यालय झापाले जनाएको छ ।
उनीहरुलाई लागूऔषध सम्बन्धी मुद्धामा इलाका प्रहरी कार्यालय दमकबाट आवश्यक कारवाहीको प्रकृया अघि बढाइएको प्रहरीले जनाएको छ ।
