काभ्रेपलाञ्चोक – बागमती प्रदेशका सामाजिक विकास मन्त्री कन्चन चन्द्र बादेले सोमबार काभ्रेपलाञ्चोकमा आयोजित शुभकामना तथा बधाई कार्यक्रममा आफूले भ्रष्टाचार नगर्ने र अरुलाई पनि गर्न नदिने प्रतिवद्धता व्यक्त गर्नुभएको छ।
मन्त्री बादेले स्थानीय तहदेखि प्रतिनिधिसभासम्मको अनुभवका आधारमा जिम्मेवारी इमानदारीपूर्वक निर्वाह गर्दै आएको स्मरण गर्दै, आगामी दिनमा पनि काभ्रेको शिक्षा, स्वास्थ्य र पूर्वाधार क्षेत्रमा सक्रिय योगदान दिने प्रतिबद्धता जनाउनुभयो।
कार्यक्रममा जिल्ला समन्वय समिति काभ्रेका प्रमुख दीपक कुमार गौतमले मन्त्रीसँगको निकटता आफूमाथि सकारात्मक प्रभाव परेको बताउँदै बजेट निर्माणको अवस्थामा मन्त्रीको नेतृत्व महत्वपूर्ण हुने विश्वास व्यक्त गर्नुभयो। उपप्रमुख रिम बहादुर लामाले सुशासन प्रवर्द्धनमा मन्त्री सक्रिय हुनुपर्ने सुझाव दिनुभयो भने प्रमुख जिल्ला अधिकारी उमेश ढकालले विकास निर्माण, विपद् व्यवस्थापन र सामाजिक–आर्थिक क्षेत्रमा मन्त्रालयको सहयोगको अपेक्षा व्यक्त गर्नुभयो।
सो अवसरमा भूमि सुधार कार्यालय काभ्रेका प्रमुख विवेक हुमागाई, जिल्ला प्रहरी तथा सशस्त्र एपीएफका प्रमुखहरू, समन्वय समितिका सदस्य तथा कर्मचारीहरूको उल्लेखनीय उपस्थिति रहेको थियो।
फोटो क्याप्शन: मन्त्री कन्चन चन्द्र बादे कार्यक्रममा बोल्दै, कार्यक्रममा सहभागी सरकारी अधिकारी र स्थानीय प्रतिनिधिहरू।
मन्त्री बादेको प्रतिबद्धता र नेतृत्वप्रति स्थानिय तहका प्रतिनिधि तथा सरोकारवालाले भरोसा व्यक्त गरेका छन्। यस कार्यक्रमले काभ्रेपलाञ्चोकमा सुशासन, इमानदार नेतृत्व र प्रभावकारी विकास कार्यलाई थप बल दिने विश्वास गरिएको छ।
